انا عندى كرش
----------------
انا عندى كرش
ومنكرش
زراير قميصى
...... مبتقفلش
انا عندى كرش
ومفتكرش
فى بنت تحب
شاب بكرش
وقصير مش طويل
وشعرى مش حرير
عيونى مش عسليه
ومعنديش عربيه
وابويا مش وزير
كل اللى عندى
كرش كبير
وقلب حنون
بيحبك بجنون
واعتبرينى مجنون
من زمن الاساطير
اصلها مش بالشكل
ولا بالوسامه
عارفه فى عز زعلك ؟
هكونلك ابتسامه ؟؟
و فى عز خوفك اكون حمايتك
فى عز حيرتك اكون مرايتك
كتاب و جواه حكايتك
فى عز ليلك انا العلامه
اصل الرجوله مش وسامه
الرجوله طيبه وشهامه
وقوة شخصيه
وانا راجل اصولى شرقيه
بغضب وبتعصب كتير
وكتير بغير
وساعات طيب وساعات امير
قولتى ايه ؟
تتجوزنى ؟؟
باختصار
انا عارف عرسانك كتروا
وانا مش فارس بحصان
انا جايلك راكب مترو
وبحمد ربنا على ستره
وبشكر فضله كمان
انا مش فارس بحصان
انا شاب بسيط
من قلب مصر
مش هسكنك فى قصر
هتسكنى فى قلبى
وعيونى حراسك
هبقى حبيبك
قريبك
اهلك وناسك
هصونك
واحترم احساسك
هتعلم اكونلك شاعر
وانسجلك من المشاعر
توب حب ليكى
فى البرد يدفيكى
يقويكى
كل القصايد
هكتبها فيكى
ومش كتير عليكى
تتجوزينى
لو تقبلينى هتملكينى
وتبقى ننى جوه عينى
ونعيش سوا اجمل اسطوره
لو ترفضينى
معذوره
انا اصلى عندى كرش
ومفتكرش
فى بنت تحب
شاب بكرش